स्वीडेनको एक विद्यालयमा गोली चल्दा आक्रमणकारीसहित १० जनाको ज्यान गएको पुष्टि
_TsLtzCNTRy_werkhbor3kfoo3r4dndqzfobdrgqokdqazttjwpk6eibwblzqmaanpjr2x8o_mfMPsxNxdh_2w0domt6jki1ktn4o2copxj0fqpeg3jjzvqwlgqsyerkcb4m1lpcoi7zbbbw.jpg)
स्वीडेनको केन्द्रीय शहर ओरेब्रोमा रहेको रिसबर्गस्का विद्यालय परिसरमा भएको गोलीबारीमा १० जनाको ज्यान गएको छ ।
गोलीबारीमा संदिग्ध आक्रमणकारीको समेत ज्यान गएको त्यहाँको प्रहरीलाई उद्धृत गर्दै बीबीसीले जनाएको छ ।
घटनामा एक जना मात्र आक्रमणकारी संलग्न रहेको प्रारम्भिक अनुसन्धानमा देखिएको छ । तर ती व्यक्तिले गोली चलाउनुको कारण भने खुलेको छैन ।
घटनामा धेरै मानिस घाइते भएकाले ज्यान गुमाउनेको सङ्ख्या बढ्न सक्ने प्रहरीको अनुमान छ । घाइतेहरूलाई अस्पताल लगिएको छ, जसमध्ये चार जनाको शल्यक्रिया भइरहेको छ ।
प्रधानमन्त्री उल्फ क्रिस्टर्सनले यो आक्रमणलाई स्वीडेनको इतिहास मै सबैभन्दा खराब गोलाबारी भएको बताएका छन् ।
एजेन्सी
Comments