हिरो स्प्लेन्डरको इलेक्ट्रिक संस्करण आउँदै

हिरो मोटोकर्पले आफ्नो इलेक्ट्रिक मोटरसाइकलको पोर्टफोलियो बढाउन काम गरिरहेको छ । हालै कम्पनीले भिडा इलेक्ट्रिक स्कुटर ल्याएको छ । कम्पनीले आगामी दुई–तीन वर्षमा लन्च गर्न सकिने ६ भन्दा बढी नयाँ इलेक्ट्रिक सवारी साधनमा काम गरिरहेको बताइएको छ ।

हिरो मोटोकर्पले आफ्नो चर्चित स्प्लेन्डर बाइकको इलेक्ट्रिक भर्सन ल्याउने भएको छ । रिपोर्टका अनुसार स्प्लेन्डर इलेक्ट्रिकलाई हिरोको सबैभन्दा महत्त्वपूर्ण र महत्वाकांक्षी परियोजनाको रूपमा वर्णन गरिएको छ। यसलाई सन् २०२७ मा भारतमा लन्च गर्न सकिने अपेक्षा गरिएको छ ।

स्प्लेन्डर इलेक्ट्रिक बाहेक कम्पनीले २०२६ मा लिनक्स इलेक्ट्रिक डर्ट बाइक लन्च गर्ने काम पनि गरिरहेको छ। साथै बालबालिकाका लागि एक्रो लर्नर इलेक्ट्रिक डर्ट बाइक पनि लन्च गर्न सकिन्छ ।
रिपोर्टका अनुसार हालै भारतमा यसको पेटेन्ट दर्ता भएको छ।

साथै हिरोले दुई प्रिमियम इलेक्ट्रिक मोटरसाइकल पनि लन्च गर्न लागेको छ । सो इलेक्ट्रिक मोटरसाइकल १५० सीसी र २५० सीसी आईसीईको हुनेछ ।

कम्पनीले हिरो स्प्लेन्डर इलेक्ट्रिकलाई ठुलो परिमाणमा बिक्री गर्ने योजना बनाएको छ । कम्पनीले २०२७-२८ सम्ममा वार्षिक स्प्लेन्डर इलेक्ट्रिकबाट २ लाख र एडीजा परियोजनाबाट ५० हजार युनिट बिक्री गर्ने लक्ष्य राखेको छ ।

एजेन्सी