भारतीय अभिनेता शेफअलीमाथि छुरा प्रहार

भारतीय चलचित्र नगरी बलिउडका अभिनेता शेफअली खानमाथि छुरा प्रहार भएको छ ।

उनीमाथि मुम्बईस्थित घरमै छिरेर एक व्यक्तिले छुरा प्रहार गरेको भारतीय सञ्चारमाध्यमहरूले जनाएका छन् । 

भारतीय प्रहरीका अनुसार बान्द्रामा रहेको खानको घरमा राति २ः४५ बजे एक अज्ञात व्यक्ति छिरेका थिए । ती आक्रमणकारीले खानको घरमा काम गर्ने मानिससँग झगडा गरेका थिए । सो क्रममा खान र ती व्यक्तिबीच झडप भयो । यस क्रममा छुरा प्रहार हुँदा अभिनेता खान घाइते भएका हुन्। आक्रमणबाट उनको शरीरका ६ ठाउँमा चोट लागेको अस्पतालले जनाएको छ । तीमध्ये दुईवटा चोट गहिरा रहेको अस्पतालका प्रमुख कार्यकारी अधिकृत (सीईओ)समेत रहेका डा नीरज उत्तमानीले बताएका छन् ।

खानलाई लीलावती अस्पतालमा भर्ना गरिएको छ । घटनाबारे अनुसन्धान भइरहेको प्रहरीले जनाएको छ ।

अभिनेत्रीसमेत रहेकी पत्नी करिना कपुर र अन्य परिवारका सदस्य भने सकुशल रहेको बताइएको छ ।

एजेन्सी