इजरायल र हमासबीच गाजामा युद्धविराम गर्ने सहमति
इजरायल र हमासबीच गाजामा युद्धविराम र बन्धकहरूलाई रिहा गर्ने सहमति भएको छ ।
इजरायल र हमासबीचको यो सम्झौता कतारमा टुंगिएको बीबीसीको समाचारमा उल्लेख छ ।
हमासले युद्धविराम सम्झौतालाई अनुमोदन गरेको जानकारी हमासका एक अधिकारीले कतार र इजिप्टका मध्यस्थकर्ताहरूलाई दिएका छन् ।
गाजामा हमास र इजरायलबीच ७ अक्टोबर २०२३ देखि युद्ध चलिरहेको थियो ।
हमासले अक्टोबर २०२३ मा इजरायलमा आक्रमण गरेर २५१ जनालाई बन्धक बनाएको थियो । हमाससँग हाल ९४ इजरायली बन्धक रहेको बताइएको छ ।
यद्यपि, इजरायलले यी बन्धकमध्ये ६० जना मात्र जीवित रहेको विश्वास गरेको छ । जवाफमा इजरायलले गाजामा हमासविरुद्ध सैन्य आक्रमण सुरु गरेको थियो ।
गाजास्थित हमासकाे स्वास्थ्य मन्त्रालयका अनुसार यी आक्रमणमा ४६ हजार ५०० भन्दा बढी प्यालेस्टिनी मारिएका छन् ।
एजेन्सी
_KjqFhEg5LA_8fstxzhy7qzbt4nfl9xcqvhylzatx6sypj2qryes2zsb2leroukvvarg73dj_j5g12oqqAV_5gnqqiiy8pw7xe6fv9psosizgeqi27nwrwpkecryhy9l0ibmrvzruylxt5rg.jpg.370x245_q70_crop.jpg)
Comments