अजरबैजानी विमान दुर्घटनाको जिम्मेवारी लिन रुसद्वारा अस्वीकार

बाकुले पटक–पटक घातक विमान दुर्घटनाको जिम्मेवारी स्वीकार गर्न आग्रह गरे पनि क्रेमलिनले बिहीबार अजरबैजानी विमानलाई गल्तीले गोली हानेको भन्न अस्वीकार गरेको छ । गत महिना विमान दुर्घटनाग्रस्त भएको थियो ।

अजरबैजानका राष्ट्रपति इल्हाम अलियेभले डिसेम्बर २५ मा कजाकिस्तानमा दुर्घटनाग्रस्त भएको अजरबैजान एयरलाइन्सको यात्रु जेट रुसी सहर ग्रोजनीमा ‘जमिनबाट गोली हानेर खसालिएको बताएका छन् । विमान दुर्घटनामा ३८ जनाको मृत्यु भएको थियो ।

रुसले त्यस समयमा उसको हवाई सुरक्षाले युक्रेनी ड्रोनहरूलाई रोक्न काम गरिरहेको थियो भनेको छ । यद्यपि उसले विमानमाथि गोली हानेको स्वीकार गरेको छैन ।

मस्कोका निकट सहयोगी अलियेभले यस हप्ता रुससँग ‘अपराधबोध’ रहेको दोहोर्याए र रुसमाथि वास्तविक कारणहरू ‘लुकाएको’ आरोप लगाए ।

‘हामी यो विपत्तिको कारणहरू स्थापित गर्न पूर्णतया वस्तुनिष्ठ र निष्पक्ष जाँचमा चासो राख्छौँ,’ क्रेमलिनका प्रवक्ता दिमित्री पेसकोभले बिहीबार भने ‘हामी आयोगको नतिजा प्रतीक्षा गरिरहेका छौँ, रुसी विशेषज्ञहरूले आफ्नो पूर्ण सहयोग दिइरहेका छन् ।’

रुसी राष्ट्रपति भ्लादिमिर पुटिनले दुर्घटनापछि अलियेभलाई दुईपटक फोन गरेका थिए । क्रेमलिनका अनुसार उनले रुसी हवाई क्षेत्रमाथि यो घटना भएकोमा माफी मागे । तर फोन वार्तालापको विवरणमा जिम्मेवारी स्वीकार गरेको उल्लेख छैन ।

मस्कोले दुर्घटना नियन्त्रण गरेकोमा अलियेभले आक्रोश व्यक्त गरेका छन् । उनले यस साताको सुरुमा कडा आलोचना मात्र गरेनन् मस्कोलाई विमानको ‘आपराधिक’ गोली हानाहानका लागि जिम्मेवारहरूलाई सजाय दिन आह्वान गर्दै माफी माग्न मागसमेत गरे ।

अलियेभका अनुसार रुसी गणराज्य चेचन्याको राजधानी ग्रोजनीका लागि हवाई सुरक्षा उपायहरू विमानलाई ‘जमिनबाट गोली हानिए’पछि मात्र घोषणा गरिएको थियो ।

अजरबैजानले विमानमा प्वालले भरिएको र यसको अनुसन्धानको प्रारम्भिक नतिजाले यसलाई रुसी हवाई सुरक्षा मिसाइलले दुर्घटनावश प्रहार गरेको देखाएको छ ।

एजेन्सी