चीनमा भूकम्पबाट मृत्यु हुनेको संख्या १ सय २६ पुग्यो
चीनमा मंगलबार बिहान गएको भूकम्पबाट मृत्यु हुनेको सङ्ख्या १ सय २६ पुगेको छ ।
सिजाङ स्वायत्त क्षेत्रको सिगाजे सहरको डिङ्ग्री काउन्टीमा मंगलबार नेपाली समयअनुसार बिहान ६:५० बजे ७ म्याग्निच्युडको भूकम्प गएको थियो ।
पछिल्लो अपडेटअनुसार भूकम्पबाट १ सय ८८ जना घाइते भएको सिन्ह्वाले जनाएको छ । भूकम्पले तिब्बतको निकै विकट क्षेत्रमा १ हजारभन्दा बढी घरमा क्षति पुगेको बताइएको छ ।
राष्ट्रपति सी चिनफिङले ज्यान जोगाउन र हताहत कम गर्न सबै प्रकारका उद्धार प्रयास गर्न निर्देशन दिएका छन् ।
भूकम्प लगत्तै व्यापक रूपमा उद्धार कार्य जारी छ तर, तापक्रमका कारण खोजी तथा उद्धार कार्य थप चुनौतीपूर्ण बनेको चिनियाँ सञ्चारमाध्यमहरूले जनाएका छन् ।
एजेन्सी
Comments