चीनमा आगलागी हुँदा आठ जनाको मृत्यु
उत्तरी चीनको तरकारी बजारमा शनिबार भएको आगलागीमा परी आठ जनाको मृत्यु हुनुका साथै १५ जना घाइते भएका स्थानीय अधिकारीले जानकारी दिएका छन् ।
बेइजिङको उत्तरपश्चिममा रहेको झाङ्जियाकोउ सहरमा भएको आगलागीपछि किआओसी जिल्ला जनसरकारले भने, ‘घाइतेलाई उपचारका लागि अस्पताल पठाइएको छ र हाल उनीहरूको जीवनमा कुनै खतरा छैन ।’
लिगुआङ बजारमा बिहान ८:४० बजे आगलागी भएको थियो र बिहान १० बजेपछि निभाइएको जिल्ला सरकारले जनाएको छ । आगलागीको कारणबारे अनुसन्धान भइरहेको छ ।
अक्टोबरमा प्रमुख सहर चेङ्दुमा लागेको आगलागीमा २४ जनालाई सास फेर्न गाह्रो भएपछि अस्पतालमा भर्ना गरिएको राज्य मिडियाले जनाएको छ ।
जुलाईमा, दक्षिणपश्चिमी सहर जिगोङको एक सपिङ सेन्टरमा आगलागी हुँदा १६ जनाको मृत्यु भएको थियो ।
एजेन्सी
_t8ns5FoVY6_exdqbithztbihrwyyhpdvro97kgxmknuge03sqhiiu031250pjdiwzqdikcl_dqIya78TUW_cbbk1xrs8fcwa9cvnzgkpm2hkgphlwowkxr6k3caeb18fau8rm1eom0rdrgl.jpg.370x245_q70_crop.jpg)
Comments