सिरियाका पूर्व राष्ट्रपतिलाई रुसमा विष खुवाएर मार्ने प्रयास

सिरियाबाट ज्यान जोगाएर परिवारसहित रुस भागेका पूर्वराष्ट्रपति बसर अल असदलाई मार्ने प्रयास गरिएको खुलासा भएको छ । 

बेलायती पत्रिका ‘द सन’मा प्रकाशित एक रिपोर्टका अनुसार मस्कोमा बसर अल असदलाई विष खुवाएर मार्ने प्रयास गरिएको थियो । तर उनी बालाबाल बाँचेका छन् ।

सिरियामा कु’ भएयता असद आफ्नो परिवारसँग रूसको राजधानी मस्कोमा छन् । लामो समयदेखि मध्यपूर्वमा उनीहरुको महत्वपूर्ण सहयोगी रहेको रुसले मस्कोमा असद परिवारलाई सुरक्षा दिएको छ । राष्ट्रपति भ्लादिमर पुटिनले असद र उनका परिवारका लागि एक गोप्य अपार्टमेन्टमा बस्ने व्यवस्था मिलाइदिएका छन् ।

बेलायती ट्याब्लोइड ‘द सन’को रिपोर्टका अनुसार असदलाई उनको आफ्नै घरमा मार्ने प्रयास गरिएको थियो, जब यसको प्रमाण बाहिर आयो तब हलचल मच्चिएको थियो । 

असदविरुद्ध षड्यन्त्र गर्ने को हो भन्ने प्रश्न उठिरहेको छ । नयाँ सिरियाली सरकार असदलाई हटाउन चाहन्छ वा यसको पछाडि केही अन्य कारण छ यो छानबिन भइरहेको जनाइएको छ ।

पूर्व रुसी जासुसको ठूलो दाबी अनुसार उनलाई विष पिलाउने प्रयास गरिएको हो तर पत्रिकाले उनको नाम गोप्य राखेको छ । असद गत वर्ष डिसेम्बर ८ देखि मस्कोमा भ्लादिमिर पुटिनको संरक्षणमा छन्। तर पूर्व शीर्ष रुसी जासुसद्वारा सञ्चालित अनलाइन जनरल एसभीआरले बशर अल असद आइतबार बिरामी परेको उल्लेख गरेको थियो ।

त्यसो त सो घटना पछि ५९ वर्षीय असद असदलाई निसास्सिएर बारम्बार खोकी लाग्ने गरेको दाबी गरिएको छ । श्रोतका अनुसार परीक्षणपछि असदको शरीरमा विषाक्त तत्व भेटिएको रिपोर्ट आएको थियो । 

असदको उनी बसेको अपार्टमेन्टमा नै उपचार गरेपछि सोमबार मात्र असदको अवस्था स्थिर भएको थियो । यद्यपि, रूसी अधिकारीहरूबाट कुनै पुष्टि भने गरेका छैनन् ।

असदलाई विष दिनुको कारण यही हो भनेर अझै खुलेको छैन । तर अनुमान भने विभिन्न गरिन थालिएको छ । सो पत्रिकाले भनेको बसर अल असदलाई  विष दिएका थिए भन्ने अहिलेसम्म खुल्न सकेको छैन । तर गत महिना उनकी श्रीमती अस्मा बेलायत फर्कन चाहेको बाहिर सार्वजनिक भएको थियो । तर राहदानीको म्याद सकिएकाले उनी लन्डन फर्कन नसक्ने अवस्थामा असदको खानामा विष हालिएको समाचार बाहिरिएको हो । 

यस बाहेक असद र उनकी श्रीमती अस्माबीचको वैवाहिक तनावको पनि उत्तिकै चर्चा रहेको छ । रिपोर्टका अनुसार अस्मा गम्भीर रोगबाट पीडित छिन् र उनी असदसँग सम्बन्धविच्छेद गरेर थप उपचार गराउन चाहन्छिन् । 

एजेन्सी