थाइल्याण्डमा पर्यटक होटलमा आगलागी हुँदा तीन विदेशीको मृत्यु
थाइल्याण्डको राजधानी बैंककको लोकप्रिय पर्यटकीय क्षेत्रको एक होटलमा आगलागी हुँदा तीन विदेशी पर्यटकको मृत्यु हुनुका साथै अन्य सात जना घाइते भएका छन् ।
खाओ सान रोड नजिकैको एम्बर होटलमा आइतबार राति भएको आगलागीमा परी घाइते भएका एक महिला र दुई पुरुषको अस्पतालमा उपचारका क्रममा मृत्यु भएको हो ।
घटनामा अन्य पाँच विदेशी र दुई थाई नागरिक घाइते भएको बैंकक महानगर प्रशासनले सोमबार जनाएको छ ।
बैंककका गभर्नर चाडचार्ट सिटिपन्टका अनुसार अग्निनियन्त्रकहरू सूचना पाएको पाँच मिनेटभित्रै छ तले होटल रहेको घटनास्थलमा पुगेका थिए र तीनवटा क्रेनसहित पुगेका उद्धारकर्मीले करिब ७५ जनालाई उद्धार गरेका थिए।
आगलागीको कारण खुल्न सकेको छैन । अधिकारीहरूले घटनापछि होटल बन्द गर्न र चेतावनी प्रणालीको अनुसन्धान गर्न आदेश दिएका छन् ।
एजेन्सी
_YClHoNk8b1_kiy821ifb9l6duie3xj1au75ixlzo2mikxveiisizfkcmnp5puvdlnkepzld_ICZyQOIvAD_u7xrxquescxotojsmpw08qp6ckvzfgtr1xuoeftbriipfsh6cwszohkdiepm.jpg.370x245_q70_crop.jpg)
Comments