कम उमेरमै छालामा देखा पर्ने चाउरीपना हुन सक्छ कोलेजन कमीको सङ्केत

कोलेजनले छालालाई स्वस्थ र चम्किलो बनाउन ठुलो भूमिका खेल्छ । शरीरमा यसको मात्रा बढाउनको लागि सन्तुलित आहार धेरै महत्त्वपूर्ण छ ।

अस्वस्थ खानपान र खराब जीवनशैलीका कारण धेरैको छालामा कोलेजनको मात्रा कम हुन्छ । यस्तो अवस्थामा हामी तपाईंलाई केही आवश्यक पोषक तत्त्वहरूको बारेमा बताउँछौं जसको मद्दतले छालामा कोलेजनको उत्पादनलाई सुधार गर्न सकिन्छ ।

कपर
कपरले कोलेजनको उत्पादन बढाउन महत्त्वपूर्ण भूमिका खेल्छ । यसमा ती इन्जाइमहरूलाई सक्रिय गर्ने क्षमता हुन्छ जुन कोलेजनको उत्पादन बढाउन आवश्यक हुन्छ । यस्तो अवस्थामा तपाईं अर्गान मिट, सिमी र हरियो सागसब्जी आफ्नो खानामा समावेश गराउनुहोस् ।

जिङ्क
छालामा कोलेजनको मात्रा बढाउन पनि जिङ्क धेरै महत्त्वपूर्ण हुन्छ । आफ्नो खानामा प्रशस्त मात्रामा खानेकुराहरू समावेश गरेर तपाईं कोलेजनको कमीलाई हटाउन सक्नुहुन्छ । यसले ती प्रोटिनहरूलाई सक्रिय राख्छ, जुन कोलेजन उत्पादनमा आवश्यक हुन्छ । साथै यसले कोशिकाहरू मर्मत गर्ने काम पनि गर्छ ।

भिटामिन-सी
भिटामिन सी कोलेजनको उत्पादनमा सहयोग गर्छ । यसले छालालाई एन्टी–एजिंग फाइदा मात्र प्रदान गर्दैन तर रोग प्रतिरोधात्मक क्षमतालाई पनि बलियो बनाउँछ । अमिलो प्रकारको फलफूलको मद्दतले शरीरमा भिटामिन सीको कमीलाई पूरा गर्न सकिन्छ ।

एमिनो एसिड
प्रोटिन मात्र होइन, एमिनो एसिडले पनि कोलेजनको उत्पादन बढाउन महत्त्वपूर्ण भूमिका खेल्छ । एमिनो एसिड दाल, माछा वा हरियो तरकारीमा प्रचुर मात्रामा पाइन्छ ।

एजेन्सी