खडेरी, आगलागीका कारण इक्वेडरमा ६० दिने राष्ट्रिय आपत्काल घोषणा, दैनिक ८ घण्टा लोडशेडिङ
जङ्गली डढेलो र पानीको अभावका कारण इक्वेडरले ६० दिने राष्ट्रिय आपत्काल घोषणा गरेको छ । दक्षिण अमेरिकी देश इक्वेडर लामो समयदेखि खडेरीको चपेटामा परेको छ ।
देशका जङ्गल आगोले सखाप पारेको छ, पानीको चरम अभाव छ, बालीनाली सुकेको छ । यो समस्याको असर केही कम गर्न ६० दिनको राष्ट्रिय आपत्काल घोषणा गरेको ऊर्जामन्त्री इनेस मन्जानोले बताएको चिनियाँ समाचार संस्था सिन्ह्वाले जनाएको छ ।
देशका १७ वटा ठूला जङ्गलको आगो नियन्त्रणबाहिर रहेको छ । खडेरीले इक्वेडरलाई ऊर्जा सङ्कटमा पुर्याएको छ । खोला र नदीमा पानी सुक्दै गएपछि जलविद्युत् उत्पादनमा निकै कमी आएको छ ।
गएको सेप्टेम्बरदेखि इक्वेडरमा दैनिक आठ घण्टाका दरले लोडशेडिङ भइरहेको छ । खडेरीका कारण जलाशययुक्त आयोजनाको पानीसमेत सुकिसकेको खबरमा उल्लेख छ ।
एजेन्सी
_Cx6BCwlp49_3hstdxae0rpeskttlool38tpjzwz1el5eeb2bb8lczv10i6vjty8hsftxuaj_sXI448zY40_ngw6ysdvchlc1uz1lylkpzjpqdjoxzu5mxybstppud2wsiio1jrerjng0qsn.jfif.370x245_q70_crop.jpg)
_AZFbViOpXU_4pfqkrcomqp344w1wzmfshauzw5ri8dw65kagoqmbz8xoheudj70dvcrk8mp_ZN9lmJXm4M_qtupmy5w3ha4b4hio1zybzxzwvba1wlpb8agz1z0exxtpitzcsp2wb4pyguj.jfif.370x245_q70_crop.jpg)
Comments