विवादित प्रदेशसभा सांसद लिलाबल्लभ अधिकारी एमालेबाट निलम्बनमा
मानव तस्करीमा मुछिएका कोशी प्रदेशका निवर्तमान आन्तरिक मामिला तथा कानूनमन्त्री लीलाबल्लभ अधिकारीलाई नेकपा एमालेले निलम्बन गरेको छ ।
शनिबार नेकपा एमाले कोशी प्रदेश कमिटीले उनलाई सङ्गठित सदस्यबाट निलम्बन गरेको हो ।
आरोपको अन्तिम निरूपण नभएसम्मको लागि पार्टीको कुनै पनि तहमा रहन नपाउने गरी निलम्बन गरेको प्रदेश कमिटीका अध्यक्ष घनश्याम खतिवडाले जानकारी दिए ।
अधिकारीमाथि नक्कली कागजपत्र बनाएर तीन जनालाई जापान लगेको आरोप छ । उनी कात्तिक दोस्रो साता एक कार्यक्रमका लागि जापान गएपनि त्यहाँको अध्यागमन विभागले फिर्ता गरेको थियो ।
अधिकारीसँगै जापान गएकाहरूलाई प्रहरीले पक्राउ गरेको छ । पक्राउ परेकाहरूले प्रहरीलाई अधिकारीलाई १० देखि १२ लाखसम्म रकम दिएको बयान दिएका छन् ।
विवाद भएपछि अधिकारीले गत २० गते नै राजीनामा दिइसकेका छन् ।
एजेन्सी
_HEDsJqSbpy_tfetdx0zq5dowy06ovsztsuzllfife01thhzpdygk3kbzn4myswyphbaxfwk_wfzVdLOV7d_rkpmba850yq5zwor8s2uz0tjq3cy7jkt447byb8za0uqcebk5m3kanc7z9so.jpg.370x245_q70_crop.jpg)
Comments