नारायणघाट-काठमाडौं सडकमा ठूला सवारी सञ्चालनमा रोक
चितवनको नारायणघाटदेखि काठमाडौंसम्मका सडकमा घटस्थापनादेखि पूर्णिमासम्म ट्रेलरलगायतका ठूला सवारी साधन सञ्चालनमा रोक लगाइएको छ ।
दशैंका बेला काठमाडौं उपत्यका भित्रने र बाहिरिने यात्रुलाई सहज र सुरक्षित यात्राका लागि यस्तो निर्णय गरिएको यातायात व्यवस्था विभागका प्रवक्ता ईश्वरीदत्त पनेरूले जानकारी दिए ।
तर, खाद्यान्न लगायतका अत्यावश्यक सामान बोकेका ढुवानी सवारी साधन भने चल्न पाउनेछन् ।
आयातित मालवाहक सवारीको हकमा भन्सार, प्रज्ञापनपत्र र निर्यातित मालवाहक सवारीको हकमा नियम राजस्व बुझाएको रसिद हेरेर भन्सार कार्यालय खुलेको अवस्थामा नरोक्ने निर्णय भएको पनेरूले बताए ।
अहिले चितवनको नारायणघाट र सौराहा क्षेत्रमा ट्रेलरसहितका ठूला सवारी साधन रोकिएको छ ।
एजेन्सी
_R1Ma7AGuOr_ifqpecnnjk5gbb2ygqb6bxjne858vcr4okfdbbotynrvftsfimtvjbnpoeoc_SHx89ki1cg_08vwbvaavwdy83r9e8aj0xf5pdjrccepdlvwn3fdnnavz0vzihp3eey2ps2a.jfif.370x245_q70_crop.jpg)
Comments