श्रीलंकाद्वारा वित्तीय स्थिरता कोष स्थापना गर्ने प्रस्तावलाई अनुमोदन

श्रीलंकाको मन्त्रिपरिषद्ले एक अर्ब श्रीलंकाली रुपैयाँ (तीन करोड ३० लाख अमेरिकी डलर)को प्रारम्भिक विनियोजनका साथ वित्तीय स्थिरता कोष स्थापना गर्ने प्रस्तावलाई अनुमोदन गरेको छ ।

राष्ट्रपति रनिल विक्रमासिंघेले कोष स्थापना गर्न स्वीकृति माग गर्दै मन्त्रिपरिषद्मा प्रस्ताव पेस गरेको सूचना विभागले जनाएको छ । श्रीलंकाको केन्दीय बैंकले समाधान ढाँचालाई सुदृढ तुल्याउने कार्यलाई नियमन गरिएका वित्तीय संस्थाहरूको सङ्कट व्यवस्थापन ढाँचाअन्तर्गत तत्काल प्राथमिकता दिनुपर्ने मान्यता दिनुपर्ने विभागले बताएको छ ।

बैंकिङ (विशेष प्रावधान) ऐनअन्तर्गतका संकल्प उद्देश्यहरूको पूर्ति सुनिश्चित गर्न र यसद्वारा प्रदान गरिएका समाधान प्रक्रियाहरूलाई प्रभावकारीरूपमा कार्यान्वयन गर्न वित्तीय स्थायित्व कोष स्थापना गरिनुपर्ने विभागले जनाएको छ ।

एसियाली विकास बैंकको आर्थिक सहयोगमा वित्तीय क्षेत्रमा स्थायित्व तथा सुधार कार्यक्रमअन्तर्गत श्रीलंकाले यस वर्ष २० करोड अमेरिकी डलर ऋण प्राप्त गर्ने अपेक्षा गरिएको छ ।

एजेन्सी