नेप्सेमा २२.७३ अंकको गिरावट , ६ अर्ब ८५ करोडको सेयर कारोबार!

बुधबार नेप्से परिसूचक २२.७३ अंकले घटेर २,६१०.२१ विन्दुमा पुगेको छ।

यस दिन कारोबार भएका ३१७ कम्पनीको कुल १ करोड ५४ लाख २८ हजार ७२४ कित्ता सेयरको करिब ६ अर्ब ८५ करोड ११ लाख बराबरको कारोबार भयो। कारोबारमा आएका कम्पनीमध्ये ६६ कम्पनीको सेयर मूल्य बढेको छ, १७४ कम्पनीको मूल्यमा गिरावट छ भने ४ कम्पनीको मूल्य स्थिर रहेको छ।

यस दिन कारोबार भएका १० उपसमूहको परिसूचक घटेको छ भने ३ उपसमूहको परिसूचक बढेको छ ।

प्रमुख कारोबार

यस दिन टप गेनर वीन नेपाल लघुवित्त वित्तीय संस्था लिमिटेड रहेकाे छ जसको सेयर मूल्य १० प्रतिशतले बढेको छ। टप लुजरमा एशियन हाइड्रोपावर लिमिटेड रहेकाे छ जसको सेयर मूल्य ६.८८% ले घटेको छ। कारोबार रकमका आधारमा सिइडीबी हाइड्रोपावर डेभलप्मेन्ट कम्पनी लिमिटेड शीर्ष स्थानमा रहेको छ। सो कम्पनीको यस दिन ३४ करोड ७३ लाख बराबरको सेयर कारोबार भएको छ।भोल्यूमका आधारमा हाइड्रोइलिक्ट्रीसिटी इन्भेष्मेन्ट एण्ड कम्पनी लिमिटेड प्रोमोटरको सबैभन्दा धेरै कारोबार भएको छ।