चीनद्वारा डिजिटल, हरित रूपान्तरणका लागि दिशानिर्देश जारी

चीनको केन्द्रीय साइबरस्पेस मामिला आयोगको कार्यालय र नौवटा केन्द्रीय विभागले डिजिटल विकास र हरित विकासतर्फ समन्वयात्मक रूपान्तरणका लागि नयाँ दिशानिर्देश जारी गरेका छन् ।

शनिबार प्रकाशित दिशानिर्देशहरू डिजिटल उद्योगहरूको हरित, कम कार्बन विकासलाई प्रवद्धर्न गर्ने र डिजिटल प्रविधिको माध्यमबाट विभिन्न क्षेत्रको हरित रूपान्तरणलाई गति दिनेसहित दुई मुख्य क्षेत्रमा केन्द्रित छन्

डिजिटल विकास र हरित वृद्धितर्फ समन्वित रूपान्तरणलाई गति दिन, कम कार्बन उद्योगहरूसँग उदीयमान प्रविधिहरूको एकीकरणलाई प्रवर्द्धन गर्न र डिजिटल र हरित प्रविधिहरू प्रयोग गरेर परम्परागत उद्योगहरू बढाउने लक्ष्य राखिएको छ ।

मूलभूत सिद्धान्तलाई रेखाङ्कित गर्दै यो रूपान्तरणलाई सञ्चालन गर्न दिशानिर्देशले अधिकारी, प्राधिकरण, उद्योग संघ, विश्वविद्यालय, अनुसन्धान संस्थान र व्यवसायहरूको भूमिका निर्दिष्ट गर्दछ ।

तिनीहरूले डिजिटल–हरित एकीकरणका लागि आधारभूत क्षमता, प्राविधिक प्रणाली र औद्योगिक प्रणालीहरू समेट्दै तीन–भागको रूपरेखा प्रदान गर्छन् ।

ती क्षेत्रहरूलाई उच्च गुणस्तरको विकासमा ध्यान केन्द्रित गर्न, नयाँ गुणस्तरीय उत्पादक शक्तिहरू विकास गर्न, स्थानीय स्रोतहरूको लाभ उठाउन र समन्वित डिजिटल र हरित विकासलाई गति दिन विशेष उद्योग र कार्यात्मक फाइदाहरू सिर्जना गर्न प्रोत्साहन गरिनेछ । 

रासस