'प्रेरणा’को प्रेरणादायी कथा : प्रिस्कूल शिक्षिकाबाट यसरी बनिन पाँच अर्ब बढीको कम्पनीको मालिक

प्रेरणा झुनझुनवाला भारतीय मूलकी सिंगापुरकी उद्यमी हुन् । शिक्षाको क्षेत्रमा क्रान्ति ल्याएर उनले बालबालिकाको भविष्य मात्र उज्यालो बनाएकी छैनन्, लाखौं मानिसलाई प्रेरणा पनि दिएकी छन् । प्रेरणाले सिंगापुरमा ‘लिटिल प्याडिङटन’ नामक प्रिस्कूल स्थापना गरेर आफ्नो यात्रा सुरु गरिन् । यो प्रिस्कूलले बच्चाहरूलाई रचनात्मकता र कल्पनाशक्तिले भरिएको सिकाउने वातावरण प्रदान गर्दछ ।

केहि सफलताका कथाहरू हृदय छुने हुँछन् । जसले हामीलाई सबै कुरा सम्भव छ भन्ने विश्वास गराउँछन् । यस्तै एउटा कथा प्रेरणा झुनझुनवालाको हो । उनी एक भारतीय उद्यमी हुन् जसको सिंगापुरमा प्रिस्कूल छ । उनी कुनै समय स्कुल शिक्षिका थिइन् । प्रेरणाले सिंगापुरमा लिटिल प्याडिङटन नामक प्रिस्कूल स्थापना गरिन् । यसपछि उनले क्रिएटिभ ग्यालिलियो नामक एजुकेशन स्टार्टअप सुरु गरिन । यो स्टार्टअप ३ देखि १० वर्षसम्मका बालबालिकालाई शिक्षा प्रदान गर्नमा केन्द्रित छ । क्रिएटिभ ग्यालिलियो मार्फत, बच्चाहरूलाई पुस्तकहरू भन्दा बाहिरका गतिविधिहरू र अनुभवहरू मार्फत सिक्ने अवसर दिइन्छ ।

प्रेरणा झुनझुनवालाले न्यूयोर्क विश्वविद्यालयबाट विज्ञानमा स्नातक गरेकी छन् । उनको कम्पनीले टुन्डेमी र लिटिल सिंघम नामका दुई एप्लिकेसन लन्च गरेको छ । यी एप्लिकेसनले १ करोडभन्दा बढी डाउनलोड प्राप्त गरिसकेका छन् । भारतको प्ले स्टोरमा शीर्ष २० एपहरूमा समावेश बच्चाहरूका लागि सिकाउने एपमध्ये एकमात्र एप उनको कम्पनीका थियो ।

यसबाहेक प्रेरणाले कुनै औपचारिक व्यवसायिक पढाई गरेकी छैनन् । चाखलाग्दो कुरा के छ भने, उनले कुनै औपचारिक प्रशिक्षण बिना यो कम्पनी स्थापना गरिन । गत वर्ष यो व्यवसायले करिब ६० करोड रुपैयाँ लगानी गरेको थियो । गत वर्ष यो व्यवसायमा उनलाई करीब १ अर्ब रुपैयाँको लगानी प्राप्त भयो । भविष्यमा नयाँ क्षेत्रमा लगानी विस्तार गर्ने उनको चाहना छ र उनको कम्पनीले स्थानीय भाषामा सामग्री ल्याउने योजना बनाएको छ ।

एजेन्सी