दाङमा बस र टिपर ठोक्किँदा १७ जना घाइते
दाङमा बस र टिपर ठोक्किँदा १७ जना घाइते भएका छन्।
घोराही–लमही सडक खण्डअन्तर्गत मंगलबार दिउँसो लमही नगरपालिका-६ स्थित बेलदमारमा रा १ ख २०१७ नम्बरको टिपर र रा १ ख ९९७८ नम्बरको बस ठोक्किँदा १७ जना घाइते भएका जिल्ला प्रहरी कार्यालय दाङका प्रहरी नायव उपरीक्षक राजनकुमार गौतमले बताए।
बसमा सवार २५/२६ जनामध्ये १७ घाइते भएका र उनीहरूको लमही अस्पतालमा उपचार भइरहेको छ। घाइते सबैको अवस्था सामान्य रहेको छ।
बस ब्रेक फेल भई अनियन्त्रित हुँदा लमहीबाट घोराहीतर्फ आउँदै गरेको टिपरसँग ठोक्किँदा दुर्घटना भएको हो।
_icNh4KFifr_dx5oecogtyoc8yfoknlgxhyrmsuvp48p2rxvz9wyra3fvgwufi1jqrploz3a_CqL7rxyaZk_i1oizgazcpocgzl33ixocpropzumqsulawhah6alloiwqcengmrxpqmmnwzr.jfif.370x245_q70_crop.jpg)
Comments