ज्योति विकास बैंकको साधारण सभा फागुन १४ गते, के के छन् एजेण्डा ?
ज्योति विकास बैंक लिमिटेडले वार्षिक साधारणसभा आह्वान गरेको छ । सभा फागुन १४ गते, त्रिभुवन आर्मी अफिसर्स क्लब भद्रकाली, काठमांडौमा बिहान ११ बजेदेखि सुरु हुनेछ । सभाले बैंकले गत आर्थिक वर्षको नाफाबाट प्रस्ताव गरेको ३ प्रतिशत बोनश सेयर र ३.८० नगद लाभांश (कर सहित) वितरण गर्ने प्रस्ताव पारित गर्नेछ । साथै, गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाह विवरणमा समेत छलफल गरी पारित हुनेछ । त्यस्तै सभाले मर्जर तथा एक्विजिसन प्रक्रिया अगाडी बढाउन संचालक समितीलाई अख्तियारी दिने प्रस्ताव समेत पारित गर्नेछ ।
बैंकले साधारणसभा तथा लाभांश प्रयोजनार्थ माघ २९ गते गर्ने निर्णय गरेको छ । त्यसैले माघ २८ गतेसम्म नेप्सेमा कारोबार भइ कायम सेयरधनीहरुले मात्र साधारणसभाका सहभागि हुन र लाभांश प्राप्त गर्न सक्नेछन् ।
_AM9nHqptlW_tukiulivmkv0hfmpqqdustywewvyjicfrig6hbdgfxwbtn0by590tsha9epu_WIUUhPuUv2_6chdjzructkqw1u3kojr80nz85fpeyqnfgjlk1irvmovn2npm3kljamcgpiv.jfif.370x245_q70_crop.jpg)
Comments