एनआईबिएल एस क्यापिटलको साधारण सभा कात्तिक १८ गते, लाभांश प्रस्ताव पारित हुने

Laltin.com

असोज २८, २०७९ शुक्रबार

एनआईबिएल एस क्यापिटलको साधारण सभा कात्तिक १८ गते, लाभांश प्रस्ताव पारित हुने

एनआईबिएल एस क्यापिटल लिमिटेडले वार्षिक साधारण सभा डाकेको छ । कम्पनीको असोज २६ गते बसेको सञ्चालक समितिको बैठकले सभा बस्ने निर्णय गरेको हो । दशौँ वार्षिक साधारण सभा कात्तिक १८ गते एनआईबिएलएस क्यापिटलको सभाहल, काठमाडौँमा बिहान १०:३० बजेदेखि सुरू हुनेछ ।

सभामा गत आर्थिक वर्षको मुनाफाबाट कम्पनीका सेयरधनीहरूलाई चुक्ता पूँजीको २० प्रतिशत नगद लाभांश वितरण गर्ने प्रस्ताव पारित गरिनेछ ।

यसैगरी, कम्पनीको सञ्चालक समितिको वार्षिक प्रतिवेदनबारे छलफल गरी पारित गरिनेछ । त्यस्तै, कम्पनीको आर्थिक वर्ष २०७८-७९ को लेखापरीक्षण प्रतिवेदन, वासलात, नाफा नोक्सान हिसाब र सोही अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ । सभामा आर्थिक वर्ष २०७९-८० को लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा रहेको छ ।