सोकोनको पहिलो शोरुम भक्तपुरमा

नेपालमा सोकोन र फोटोन गाडीको आधिकारिक आयातकर्ता एमएडब्लू वृद्धि कमर्शियल प्रालिको पहिलो शोरुम भक्तपुरमा उद्घाटन भएको छ । क्रिसमसको अवसर पारेर कम्पनीले सोकोनको पहिलो शोरुम भक्तपुरमा उद्घाटन गरेको हो ।

उद्घाटनमा एमएडब्लू समूहका अध्यक्ष विष्णु कुमार अग्रवाल, एसिया प्यासिफिक आरएचडी क्षेत्र सेरेस ग्रुप, कमर्शियल भेहिकल डिभिजनका कन्ट्री म्यानेजर सुन जियाक्सिन, एमएडब्लू वृद्धि कमर्शियलका सीईओ तुषार गुप्ता लगायतको सहभागिता रहेको थियो ।

भक्तपुरको गट्ठाघरमा अवस्थित शोरुमले आगन्तुकहरूलाई सोकोनका नवीनतम ईभी मोडलहरू प्रदर्शन गर्दै इमर्सिभ अनुभव प्रदान गर्ने कम्पनीले जनाएको छ ।

ग्राहकको आराम र सुविधालाई ध्यानमा राखेर डिजाइन गरिएको यो सुविधासम्पन्न शोरुममा व्यक्तिगत परामर्श, उत्पादन प्रदर्शन र परीक्षण ड्राइभहरू प्रदान गर्न विशिष्ट प्रशिक्षण प्राप्त कर्मचारीहरूको समर्पित टोली तयार रहने जनाइएको छ ।

कार्यक्रमको मुख्य आकर्षणका रूपमा उद्घाटनका दौरान एघार वटा सोकोन गाडीहरू उनीहरूकै नयाँ मालिकहरूलाई वितरण गरिएको थियो ।

भक्तपुर शोरुमको उद्घाटनले नेपालमा एमएडब्लु वृद्धिको उपस्थितिलाई बलियो बनाउँदै पहुँचयोग्य र नवीन अटोमोटिभ समाधानहरू उपलब्ध गराउने कम्पनीको समर्पणलाई पनि सुदृढ बनाएको छ ।

एजेन्सी