दाङमा गाडी दुर्घटना हुँदा दुई जनाको ज्यान गयो, १२ जना घाइते
दाङमा गाडी दुर्घटना हुँदा दुई जनाको ज्यान गएको छ । पूर्व–पश्चिम राजमार्गअन्तर्गत लमही नगरपालिका–९ च्याउखोला बक्सकटिङ नजिकै आज बिहान लु १ ज ४२९८ नम्बरको गाडी दुर्घटना हुँदा अरू १२ जना घाइते भएका जिल्ला प्रहरी कार्यालय दाङले जनाएको छ ।
दुर्घटनामा परेर शिवराज नगरपालिका–३ की ४२ वर्षीया प्रिथी थारु र त्यही ठाउँकी ६० वर्षीया फुलसी थारुकाे ज्यान गएको जिल्ला प्रहरी कार्यालयका प्रवक्ता एवम् प्रहरी नायब उपरीक्षक ईश्वर थापाले जानकारी दिए ।
कपिलवस्तुको चद्रौटाबाट बर्दियातर्फ जाँदै गरेको गाडी आज बिहान दुर्घटनामा परेको थियो । दुर्घटनामा घाइते भएकाहरूको लमही अस्पतालमा उपचार भइरहेको छ ।
एजेन्सी
_SkimZ3533l_moxfsjzil7jubronpo0hzwfjcnlntboczwfseeko6cw0yqa1ewehci9qgrew_kmg38rsF0E_gs0bsq8ron8fc0y0hhkqgowddluw7hxbxb66t06bcsz427l0rnwdoitmgdgo.jpg.370x245_q70_crop.jpg)
Comments