८ सय जनाभन्दा धेरै शिक्षकले राजनीतिक दलकाे सदस्यता त्यागे : मन्त्री श्रेष्ठ

शिक्षा, विज्ञान तथा प्रविधि मन्त्री सुमना श्रेष्ठले शिक्षामा दलीय राजनीतिकरण अन्त्य गरेरै छोड्ने बताएकी छन् । शिक्षा मन्त्रालय सम्हालेको आज सय दिन पुगेको अवसरमा पत्रकार सम्मेलन गर्दै मन्त्री श्रेष्ठले शिक्षकले कुनै पनि राजनीतिक दलको सदस्यता लिन नपाउने र राजनीति गर्न नपाउने एजेन्डा लागू गरेर छोड्ने बताइन् ।

मन्त्री श्रेष्ठले शिक्षामा दलीय राजनीतिकरण रहेसम्म समाज, शिक्षक र विद्यार्थीहरूको शिक्षण पेसामा मर्का पु¥याइरहने उल्लेख गरिन् । उनले मन्त्रालयले निर्वाचन आयोगसँग दलमा आबद्ध शिक्षकहरूको तथ्याङ्क माग गरे पनि प्राप्त नभएको गुनासो गरिन् ।

यस्तै शिक्षा मन्त्री श्रेष्ठले अहिलेसम्म आठ सय २५ जना शिक्षकले राजनीतिक दलको सदस्यता त्याग गरेको दाबी गरिन् । उनले ४५ जना शिक्षकविरुद्ध उजुरी परेको, ४१ जना शिक्षकसँग स्पष्टीकरण सोधिएको र चार जनाले सफाइ पाएको बताइन् ।

सरकारले शिक्षाका उच्च अधिकारी नियुक्त गर्दा राजनीतिक भागबन्डा भन्दा पनि योग्यता, उपयुक्तता हेरेर गर्न थालेको उनको भनाइ छ ।

एजेन्सी