दुधमा सौफ र अदुवा उमालेर पिउँदा पाइन्छ पाँच अचम्मको फाइदा !!

सौफ र अदुवा दुवैको सेवन स्वास्थ्यका लागि निकै फाइदाजनक हुन्छ तर यसलाई दुधमा उमालेर छानेर खानु हुन्छ भने यसले स्वास्थ्यलाई अचम्मको फाइदा पु¥याउँछ । दुध प्रोटिन, क्याल्सियम, भिटामिन बी जस्ता आवश्यक पोषक तत्वहरूको उत्कृष्ट स्रोत हो । अर्कोतर्फ, सौफ र अदुवामा पनि औषधीय गुणहरू प्रशस्त छन् । साथै, दुबैमा भिटामिन सी, क्याल्सियम, आइरन, म्याग्नेसियम, पोटासियम, एन्टिअक्सिडेन्ट र एन्टी-इन्फ्लेमेटरी गुणहरू हुन्छन् । सौफ र अदुवा दुधमा मिसाएर खाँदा निम्न फाइदाहरु पाइन्छः

१. हड्डी बलियो हुनेछ

क्याल्सियम, प्रोटिन र अन्य थुप्रै आवश्यक पोषक तत्वहरूले भरिपूर्ण, यो संयोजन तपाईंको हड्डी र जोर्नीहरू बलियो बनाउनको लागि धेरै लाभदायक छ। यो हड्डी भाँच्चिने जोखिम कम गर्न र जोर्नी दुखाइबाट राहत प्रदान गर्न पनि उपयोगी छ ।

२. मिठो निद्रा लाग्न सहयोग गर्छ

दुधमा सौफ र अदुवा उमालेर राती सुत्नुअघि सेवन गर्दा मस्तिष्क शान्त हुन्छ र थकान हट्छ । यसले तनाव कम गर्न पनि मद्दत गर्छ । यसले तपाईंलाई छिटो र राम्रो निद्रा दिन्छ ।

३. पेटको समस्या हटाउँछ

यो मिश्रण पेटमा ग्यास, ब्लोटिङ, कब्जियत र अपच जस्ता समस्याहरूलाई टाढा राख्न धेरै लाभदायक हुन्छ। यसले तपाईंको पाचनलाई बलियो बनाउँछ र मेटाबोलिजमलाई पनि गति दिन्छ । यसले बान्ता र पखाला जस्ता समस्याबाट पनि बचाउन मद्दत गर्छ । यसले खानाबाट पोषक तत्वहरूको अवशोषणमा पनि सुधार गर्छ ।

४. उच्च रक्तचाप नियन्त्रण गर्छ

क्याल्सियम, पोटासियम, म्याग्नेसियमले उच्च रक्तचाप कम गर्न र नियन्त्रण गर्न महत्त्वपूर्ण भूमिका खेल्छ । यो संयोजन उच्च रक्तचाप कम गर्न मात्र होइन, रक्तचाप व्यवस्थापन गर्न पनि उपयोगी छ ।

५. मुटु स्वस्थ राख्छ

यदि तपाईं नियमित रूपमा दुधमा सौफ र अदुवा उमालेर पिउनुहुन्छ भने, यसले खराब कोलेस्ट्रोल कम गर्छ र राम्रो कोलेस्ट्रोलको स्तर बढाउँछ । यसले रक्तचाप नियन्त्रणमा राख्छ र हृदयघात, स्ट्रोकजस्ता रोगहरूको जोखिम कम गर्छ । जसले गर्दा मुटु स्वस्थ रहन्छ ।