उपकारलाई आईपीओ निष्काशनको अनुमति, २५ कम्पनी पाइपलाइनमा

उपकार लघुवित्त वित्तीय संस्थाले आईपीओ निष्काशनको अनुमति पाएको छ । नेपाल धितोपत्र बोर्डले उपकारलाई आईपीओ निष्काशनको अनुमति दिएको हो ।

लघुवित्तले सर्वसाधणमा २ करोड ६६ लाख २५ हजार रुपैयाँ बराबरको २ लाख ६६ हजार २५० कित्ता सेयर निष्काशन गर्न अनुमति पाएको हो ।
धितोपत्र बोर्डले कम्पनीलाई चैत ७ गते आइपीओ निष्काशन गर्न अनुमति दिएको हो। कम्पनीले कुल पूँजीको ३६ प्रतिशत शेयर सर्वसाधारणमा जारी गर्न लागेको हो । लघुवित्तको सेयर निष्काशन तथा बिक्री प्रबन्धक नेपाल एसबिआई मर्चेन्ट क्यापिटल रहेको छ ।

यसैबीच बोर्डका अनुसार साधारण सेयर (आईपिओ) निष्काशन तथा स्वीकृतिका लागि २ दर्जनभन्दा बढी कम्पनीहरु अझै पाइपलाइनमा छन्। ती मध्ये अधिकांश हाइड्रोपावर कम्पनी छन्।

कुन-कुन हुन् ती कम्पनी ?

१) थ्रि स्टार हाइड्रोपावर कम्पनी लिमिटेड

थ्रि स्टार हाइड्रोपावर कम्पनी लिमिटेडले साधारण सेयर (आईपिओ) निष्काशनका लागि बोर्डसँग अनुमति मागेको छ । कम्पनीले १२ करोड ३१ लाख २५ हजार रुपैयाँ बराबरका १२ लाख ३१ हजार २५० कित्ता आईपिओ निष्काशन गर्नको लागि गत साउन १७ गते बोर्डसँग अनुमति मागेको हो । कम्पनीको आईपिओ निष्काशन प्रबन्धकमा हिमालयन क्यापिटल लिमिटेड रहेको छ ।

२) रिलायवल लाइफ इन्स्योरेन्स कम्पनी लिमिटेड

रिलायवल लाइफ इन्स्योरेन्स कम्पनी लिमिटेडले ६० लाख कित्ता साधारण सेयर (आईपिओ) निष्काशनका लागि साउन १२ गते सेवनमा निवेदन दिएको छ। कम्पनीको आईपिओ निष्काशन प्रबन्धकमा सिभिल क्यापिटल मार्केट रहेको छ।

३) मोलुङ हाइड्रोपावर कम्पनी लिमिटेड

मोलुङ हाइड्रोपावर कम्पनी लिमिटेडले ३५ करोड ३१ लाख रुपैयाँ बराबरको ३५ लाख ३१ हजार कित्ता साधारण सेयर (आईपिओ) निष्कासन गर्नका लागि साउन १ गते धितोपत्र बोर्ड (सेवन) मा निवेदन दिएको छ । कम्पनीको आईपिओ बिक्री प्रवन्धकमा सनराइज क्यापिटल लिमिटेड रहेको छ ।

४) कुथेली बुखरी स्मल हाइड्रोपावर कम्पनी लिमिटेड

कुथेली बुखरी स्मल हाइड्रोपावर कम्पनी लिमिटेडले आईपिओ निष्काशनका लागि बोर्डमा अनुमति मागेको छ । कम्पनीले २ करोड ४३ लाख ७३ हजार ५०० रुपैयाँ बराबरको २ लाख ४३ हजार ७३५ कित्ता आईपिओ निष्कासन गर्नका लागि साउन ३२ गते बोर्डमा अनुमति मागेको हो । कम्पनीको आईपिओ निष्काशन तथा बिक्री प्रबन्धक एनएमवी क्यापिटल लिमिटेड रहेको छ।

५) सिक्लेस हाइड्रोपावर कम्पनी लिमिटेड

सिक्लेस हाइड्रोपावर कम्पनी लिमिटेडले आईपिओ निष्काशनका लागि बोर्डमा निवेदन दिएको छ । कम्पनीले २० करोड रुपैयाँ बराबरको २० लाख कित्ता आईपिओ निष्कासन तथा विक्री खुला गर्नका लागि बोर्डमा निवेदन दिएको हो । कम्पनीको आईपिओ निष्काशन तथा विक्री प्रवन्धकको काम बोक क्यापिटल मार्केट लिमिटेड गर्नेछ।

६) आदर्श लघुवित्त वित्तीय संस्था लिमिटेड

आदर्श लघुवित्त वित्तीय संस्था लिमिटेडले आईपिओ निष्काशनका लागि बोर्डमा अनुमति मागेको छ । कम्पनीले ६० लाख रुपैयाँ बराबरको ६० हजार कित्ता आईपिओ निष्काशनका लागि असोज २० गते बोर्डमा अनुमति मागेको हो । कम्पनीको आईपिओ निष्कासन तथा विक्री प्रबन्धकमा बोक क्यापिटल मार्केट लिमिटेड रहेको छ।

७) इष्ट्रन हाइड्रोपावर कम्पनी लिमिटेड

इष्ट्रन हाइड्रोपावर कम्पनी लिमिटेडले साधारण सेयर (आईपिओ) निष्काशन गर्नका धितोपत्र बोर्डमा निवेदन दिएको छ । कम्पनीले १२ करोड ४० लाख रुपैयाँ बराबरको १२ लाख ४० हजार कित्ता आईपिओ निष्कासन तथा विक्री खुला गर्नका लागि मंसिर २४ गते बोर्डमा निवेदन दिएको हो । कम्पनीको आईपिओ निष्काशन प्रबन्धकको काम एनएमवी क्यापिटलले गर्नेछ ।

८) सान्जेन जलविद्युत कम्पनी लिमिटेड

सान्जेन जलविद्युत कम्पनी लिमिटेडले आईपिओ निष्काशन गर्नका लागि धितोपत्र बोर्डमा निवेदन दिएको छ । कम्पनीले ३६ करोड ५० लाख रुपैयाँ बराबरको ३६ लाख ५० हजार कित्ता आईपिओ निष्कासन तथा बिक्री खुला गर्नका लागि मंसिर २० गते बोर्डमा निवेदन दिएको हो । कम्पनीको आईपिओ निष्काशन तथा बिक्री प्रबन्धकको काम सिटिजन इनभेष्टमेन्टले गर्नेछ ।

९) सुपरमाई हाइड्रोपावर कम्पनी लिमिटेड

सुपरमाई हाइड्रोपावर कम्पनी लिमिटेडले आईपिओ निष्काशनका लागि धितोपत्र बोर्डमा निवेदन दिएको छ । कम्पनीले १० करोड रुपैयाँ बराबरको १० लाख कित्ता आईपिओ निष्काशन तथा बिक्री खुला गर्नका लागि मंसिर २० गते बोर्डमा निवेदन दिएको हो । कम्पनीको आईपिओ बिक्री प्रबन्धकको काम सानिमा क्यापिटल लिमिटेडले गर्नेछ ।

१०) पिपुल्स पावर कम्पनी लिमिटेड

पिपुल्स पावर कम्पनी लिमिटेडले पनि साधारण शेयर (आईपिओ) बिक्री खुला गर्नका लागि निवेदन दिएको छ । कम्पनीले ३० करोड ९९ लाख ७४ हजार रुपैयाँ बराबरको ३० लाख ९९ हजार ७४० कित्ता आईपिओ निष्काशन गर्नका लागि पुस २७ गते बोर्डमा निवेदन दिएको हो । कम्पनीको आईपिओ निष्काशन प्रबन्धकको काम प्रभु क्यापिटलले गर्नेछ ।

११) रसुवागढी हाईड्रोपावर कम्पनी लिमिटेड

रसुवागढी हाईड्रोपावर कम्पनी लिमिटेडले पनि साधारण सेयर (आईपिओ) निष्कासन तथा बिक्री खुला गर्नका लागि निवेदन दिएको छ । कम्पनीले ६८ करोड ४२ लाख १० हजार रुपैयाँ बराबरको ६८ लाख ४२ हजार १०० कित्ता सेयर बिक्री गर्नका लागि पुस २३ गते बोर्डमा निवेदन दिएको हो । कम्पनीको आईपिओ निष्काशन तथा बिक्री प्रबन्धकको काम सिद्धार्थ क्यापिटलले गर्नेछ ।

१२) एशियन हाइड्रोपावर कम्पनी लिमिटेड

एशियन हाइड्रोपावर कम्पनी लिमिटेडले पनि साधारण सेयर (आईपिओ) निष्कासन तथा बिक्री खुला गर्नका लागि धितोपत्र बोर्डमा निवेदन दिएको छ । कम्पनीले ११ करोड ८० लाख रुपैयाँ बराबरको ११ लाख ८० हजार कित्ता आईपिओ निष्काशन तथा विक्री खुला गर्नका लागि पुस ११ गते बोर्डमा निवेदन दिएको हो । आईपिओ निष्काशन तथा बिक्री प्रवन्धकको काम एनएमवी क्यापिटलले गर्नेछ ।

१३) रिभर फल्स पावर लिमिटेड

रिभर फल्स पावर लिमिटेडले पनि आईपिओ निष्काशनका लागि धितोपत्र बोर्डमा निवेदन दिएको छ । ३४ लाख ३० हजार कित्ता सेयर निष्काशन गर्ने जनाएको कम्पनीको बिक्री प्रबन्धक प्रभु क्यापिटल रहनेछ ।

१४) सयपत्री हाइड्रोपावर

सयपत्री हाइड्रोपावरले पनि आईपिओ निष्काशनका लागि बोर्डमा निवेदन दिएको छ । यो कम्पनीले ९ करोड रुपैयाँ बराबरको ९ लाख कित्ता सेयरका लागि निवेदनका दिएको हो । यसको बिक्री प्रबन्धक एनआइबिएल एस क्यापिटल रहेको छ ।

१५) राप्ती हाइड्रो जनरल कन्ट्रक्सन

राप्ती हाइड्रो जनरल कन्ट्रक्सनले २९ लाख ४१ हजार ४१० कित्ता सेयर निष्काशनका लागि अनुमति मागेको छ । मुक्तिनाथ क्यापिटलले यसको बिक्री प्रबन्धकको काम गर्नेछ ।

१६) आइएमई लाइफ इन्स्योरेन्स

आइएमई लाइफ इन्स्योरेन्सले ६० लाख कित्ता सेयरका लागि निवेदन दिएको छ । यसको निष्काशन तथा बिक्री प्रबन्धकमा सिभिल क्यापिटल रहेको छ ।

१७) डिशहोम

डिशहोमले पनि २३ करोड ८५ लाख ९२ हजार ९०० बराबरको २३ लाख ८५ हजार ९२९ कित्ता शेयरका लागि अनुमति मागेको छ । यसको बिक्री प्रवन्धकमा ग्लोबल आइएमई क्यापिटल रहनेछ ।

१८) सिवाइसि नेपाल लघुवित्त

सिवाइसि नेपाल लघुवित्तले ३ लाख ९५ हजार ३३६ कित्ता शेयर निष्काशनको अनुमति मागेको छ ।

१९) अपर सोलु हाइड्रो इलेक्ट्रिक कम्पनी

अपर सोलु हाइड्रो इलेक्ट्रिक कम्पनीले पनि शेयर निष्काशन गर्दैछ । यस कम्पनीले ३३ लाख ७ हजार ५०० कित्ता शेयरका लागि अनुमति मागेको हो ।

२०) दोर्दी खोला जलविद्युत कम्पनी

दोर्दी खोला जलविद्युत कम्पनीले २९ लाख ५१ हजार ९२९ कित्ता शेयर निष्काशन गर्दैछ ।

२१) विन्धवासिनी हाइड्रोपावर

विन्धवासिनी हाइड्रोपावरले २५ लाख सेयरका लागि आवेदन दिएको छ । यसको बिक्री प्रबन्धक सानिमा क्यापिटल रहनेछ ।

२२) अपर हेवाखोला हाइड्रो पावर

अपर हेवाखोला हाइड्रो पावरले आयोजना प्रभावितका लागि ५ लाख र सर्वसाधारणका लागि १५ लाख कित्ता सेयरको अनुमति मागेको छ ।

२३) हिमालयन हाइड्रोपावर कम्पनी

हिमालयन हाइड्रोपावर कम्पनीले २२ लाख ५० हजार कित्ता शेयर निष्काशन अनुमति मागेको छ ।

२४) मन्दाकिनी हाइड्रोपावर

मन्दाकिनी हाइड्रोपावरले १७ लाख ६४ हजार ११० कित्ता सेयर निष्काशनका लागि अनुमति मागेको छ ।

२५) श्वेतगंगा हाइड्रोपावर

श्वेतगंगा हाइड्रोपावरले ४७ लाख ७९ हजार कित्ता सेयर निष्काशनका लागि बोर्डसँग अनुमति मागेको छ ।

उल्लेखित कम्पनीहरुले अब धितोपत्र बोर्डको स्वीकृतिपछि मात्र आईपिओका लागि आवेदन खुल्ला गर्न सक्नेछन् ।