नागढुंगामा पहिरोले पृथ्वीराजमार्ग अवरुद्ध, सवारी आवागमन ठप्प
नागढुंगा मन्दिर नजिक पहिरो जाँदा पृथ्वीराजमार्ग अवरुद्ध भएको छ। नागढुंगा चेकपोस्टबाट करिब ३ सय मिटर तल रहेको मन्दिरको छेउमा पहिरो खसेको हो ।
पहिरोका कारण अहिले काठमाडौं भित्रने र बाहिरिने दुबै तर्फी सवारी आवागमन ठप्प भएको छ । प्रहरी वृत्त थानकोटका डीएसपी सूर्य सुवेदीका अनुसार अहिले पहिरो हटाएर सडक खुलाउने प्रयास जारी छ ।
यस कारण काठमाडौं प्रवेश गर्ने र बाहिरिने सबै सवारी साधन रोकिएका छन्, जसले यात्रुहरुलाई असुविधा भएको छ। पहिरो पन्छाउने कार्यमा विभिन्न निकायका टोली जुटेका छन् ।
एजेन्सी
Comments