बाँकेमा बस दुर्घटना : २ जनाको ज्यान गयो, २७ जना घाइते
_946275795_(1)_756483735_1672193978_Rf6wsyCa0m_v7qvxhwmijp1lzc1yf0zdftigtxpv5skhl0htuekeszeibmwsklmus1ds7xj_LNdZPfE90L_n08jmaxfcgrriyeluwtmf5miyhmeylstausgs7mgkydwpkl4k6wd854cf4yp.jpg)
बाँकेको कोहलपुर–नेपालगञ्ज सडक खण्डको गनापुरमा यात्रुवाहक बस अनियन्त्रित भई पल्टिँदा दुई जनाको ज्यान गएको छ । २७ जना घाइते भएका छन् ।
दाङबाट नेपालगञ्जका लागि छुटेको भे १ ख २१२८ नम्बरको बस गनापुरमा मोटरसाइकललाई जोगाउन खोज्दा अनियन्त्रित भई पल्टिएको जिल्ला प्रहरी कार्यालय बाँकेले जनाएको छ । बाँकेका प्रहरी प्रवक्ता एवम् प्रहरी नायब उपरीक्षक (डीएसपी) नारायण डाँगीका अनुसार ज्यान गुमाउनेमा दाङकाे तुलसीपुरका सन्तोष भुसाल र मानबहादुर ओली रहेका छन् ।
घाइतेहरूलाई नेपालगञ्जको भेरी अस्पताल र नेपालगञ्ज मेडिकल कलेजमा पठाइएको छ । दुर्घटनाको थप विवरण आउन बाँकी छ ।
एजेन्सी
Comments