क्यानडाले पनि चिनियाँ ईभीमा बढायो कर
क्यानडाले पनि चीनमा निर्मित विद्युतीय सवारीसाधनको आयातमा एक सय प्रतिशत शुल्क लगाउने भएकोे छ । अमेरिका र युरोपेली संघले यसअघि नै चिनियाँ कारमा थप कर लगाइसकेका छन् ।
अमेरिका, युरोपेली संघ, क्यानडालगायतका पश्चिमी मुलुकहरुले चीनले आफ्नो विद्युतीय सवारी उद्योगलाई सहुलियत दिएको आरोप लगाउँदै आएका छन् । चीनले सहुलियत दिएका कारण आफ्नो देशका विद्युतीय गाडीको लागत महँगो भएकोले चिनियाँ विद्युतीय गाडीमा कर गाउनुपरेको बताउँदै आएका छन् ।
चीनले भने पश्चिमा मुलुकहरुले लिएकोे यो कदमलाई ‘व्यापार संरक्षणवाद’को संज्ञा दिएको छ । जुन विश्व व्यापार संगठनको नियमहरुको उल्लंघन गरेको आरोप चीनको छ ।
क्यानडाले विद्युतीय कारमा बढाएको ट्यारिफ शुल्क अक्टोबर एक देखि लागू हुनेछ । यस्तै स्टिल र आल्मुनियममा पनि २५ प्रतिशत भन्सार लगाउने बताएको छ । जुन अक्टोबर १५ देखि लागू हुनेछ ।
एजेन्सी
_NJTue0LPY5_2sssmvjfhkxdis3jscuclwq1kz5h2d3sutsusiukbwxepxtkz5ri9bwirdzi_iZGxDoIyix_otmfgoxjr2uiivsjbrq8t4zx4pyiax28ccgz4duny5r1ray8ydcw0kv0kf44.jfif.370x245_q70_crop.jpg)
Comments