बङ्गलादेशमा मूल्यवृद्धि १३ वर्षयताकै उच्च विन्दुमा
बङ्गलादेशमा मूल्यवृद्धि १३ वर्षयताकै उच्च विन्दुमा पुगेको छ। गएको जुलाई महिनामा बङ्गलादेशको मूल्यवृद्धि ११ दशमलव ६६ प्रतिशत पुगेको चिनियाँ समाचार संस्था सिन्ह्वाले जनाएको छ ।
खासगरी खाद्य पदार्थको उच्च मूल्यका कारण समग्र मूल्यवृद्धि उच्च देखिएको बङ्गलादेश ब्युरो अफ स्ट्याटिस्टिक्स (बीबीएस) ले उल्लेख गरेको छ । जुलाईमा खाद्यान्न समूहको मूल्यवृद्धि १४ दशमलव १० प्रतिशतले बढेको छ जुन कम्तीमा १० वर्षपछिकै सबैभन्दा धेरै हो । जुन महिनामा भने खाद्यान्नको मूल्यवृद्धि १० दशमलव ४२ प्रतिशत थियो ।
समग्रमा बङ्गलादेशमा यो वर्षको औसत मूल्यवृद्धि ९ दशमलव ७३ प्रतिशतमा पुगेको छ । यो आर्थिक वर्षमा बङ्गलादेशले साढे ७ प्रतिशतको मात्रै मुल्यवृद्धि अनुमान गरेको थियो ।
एजेन्सी
_NJTue0LPY5_2sssmvjfhkxdis3jscuclwq1kz5h2d3sutsusiukbwxepxtkz5ri9bwirdzi_iZGxDoIyix_otmfgoxjr2uiivsjbrq8t4zx4pyiax28ccgz4duny5r1ray8ydcw0kv0kf44.jfif.370x245_q70_crop.jpg)
Comments