आइएमई पेको ‘स्मार्ट हेल्थ–सुरक्षित भव’ नामक डिजिटल बिमा फिचर सार्वजनिक

आइएमई पेले ‘स्मार्ट हेल्थ–सुरक्षित भवस्’ नामक नयाँ बिमा सुविधा सार्वजनिक गरेको छ । कम्पनीले आइजीआई प्रुडेन्शियल इन्स्योरेन्ससँगको सहकार्यमा सो बिमा फिचर सार्वजनिक गरेको हो ।

जसअन्तर्गत ग्राहकले व्यक्तिगत दुर्घटना बिमामा बिमित व्यक्ति र तिनका परिवारलाई आकस्मिक चोटपटक वा मृत्युसम्मको अवस्थामा उच्चतम आर्थिक सुरक्षा प्रदान गर्दछ ।

मात्र ३ सय ६५ रुपैयाँमा प्राप्त गर्न सकिने यो सेवा मार्फत उपचारको क्रममा लाग्ने दुई लाख तीस हजार रुपैयाँ सम्मको बिमा दाबी प्राप्त गर्न सक्नुका साथै बिमित व्यक्तिले आइएमई पे एपमा उपलब्ध अन्य स्वास्थ्य सेवामा पनि बिभिन्न छुटहरू प्राप्त गर्न सक्ने छन् ।

यस व्यक्तिगत दुर्घटना बिमाले दुर्घटनाबाट हुने आकस्मिक मृत्यु, स्थायी असक्षमता, कुल आंशिक असक्षमता, नियमित आम्दानीमा हुने हानि, आकस्मिक चिकित्सा खर्च, शोक व्यय तथा अन्त्येष्टि खर्चहरू समेत समेटेको छ ।

डिजिटल फाइनान्सियल सर्भिस मार्फत बिमाको दायरालाई थप फराकिलो बनाउन सकिने र यो सेवा उक्त कार्यमा एउटा कोसे ढुंगा साबित हुने विश्वास लिएको आइएमई पेका प्रमुख कार्यकारी अधिकृत प्रविण रेग्मीले बताएका छन् ।