कामना सेवा बैंकको १७औं वार्षिकोत्सवमा देशभर विभिन्न कार्यक्रम आयोजना

कामना सेवा विकास बैंकले १७औं वर्ष प्रवेशका अवसरमा सप्ताहव्यापी रुपमा देशभर विभिन्न कार्यक्रम आयोजना गरेको छ । १७औं वार्षिकोत्सवका अवसरमा बैंकले १७ वटै कार्यक्रम आयोजना गर्न लागेको हो ।

कार्यक्रमअन्तर्गत कात्तिक १७ गते शुक्रबारदेखि २३ गते बिहीबारसम्म कामना सेवा फुटसलकप सिजन ३, हाइकिङ कार्यक्रम, सरसफाइ कार्यक्रम, सातै क्षेत्रमा रक्तदान कार्यक्रम र नि:शुल्क स्वास्थ्य शिविर छन् ।

कामना सेवाले वार्षिकोत्सवका अवसरमा छात्रवृत्ति वितरण, ट्राफिक सचेतना बोर्ड हस्तान्तरण, वाकाथन कार्यक्रम, स्वास्थ्य ल्याब हस्तान्तरण, डिजिटल मेला, विद्यार्थीलाई शैक्षिक सामग्री हस्तान्तरण, डिजिटल दानपेटिका हस्तान्तरण, नेत्रहीनहरुको वक्तृत्वकला प्रतियोगितालगायतका कार्यक्रम गर्ने जनाएको छ ।

कात्तिक १७ गते शुक्रबारदेखि बैंकले हरेक वर्ष आयोजना गर्ने फुटसल प्रतियोगिताको तेस्रो संस्करण सुरु गर्ने जनाएको छ । प्रतियोगितामा विभिन्न बैंक तथा वित्तीय संस्थाको सहभागिता रहनेछ ।