बच्चाले भनेको मान्दैनन् ? अपनाउनुहोस् यी ५ तरिका

बच्चाको लालन पालन गर्नु हरेक आमाबुवाको जिम्मेवारी हो । उनीहरूलाई राम्रो बानी सिकाउनेदेखि लिएर जीवनमा अनुशासनको महत्त्व बुझाउन पनि त्यत्तिकै जरुरी छ । बालबालिका सानै उमेरमा अनुशासनमा बस्न सिक्छन् भने उनीहरुले हुर्कँदै गर्दा कम समस्याको सामना गर्नुपर्ने हुन्छ । तर बच्चालाई अनुशासनमा राख्ने कसरी ? धेरै आमाबुवाको एउटै गुनासो हुन्छ – बच्चाले भनेकै मान्दैनन्, टेर्दैनन् । यस्तोमा हामी तपाईंलाई यस्ता ६ टिप्सबारे जानकारी दिँदै छौँ जसले तपाईंलाई सहयोग गर्न सक्छ ।  

बच्चाले भनेको मान्दैन भने यी ६ टिप्स अपनाउनुहोस्

भेरिवेल फेमिलीका अनुसार यदि तपाईंको बच्चाले तपाईंले भनेको मानिरहेको छैन भने बच्चाले कतै तपाईंले भनेको कुरा नै बुझिरहेको छैन कि भनेर हेर्नुहोस् । त्यसैले तपाईंले बच्चालाई कम शब्दमा के गर्ने भनेर बुझाउनुहोस् । यसरी उनीहरूको कन्सेप्ट क्लियर हुन्छ । 

जवाफ माग्नुहोस्

बच्चालाई केही काम अह्राउँदा उनीहरूलाई ‘ओके’ भन्न लगाउनुहोस् । तपाईंले बच्चालाई निर्देशन मात्रै दिइरहनु हुन्छ भने उसले तपाईंको कुरा सुनेको नसुन्या गर्छ । त्यसैले केही काम अह्राएपछि उनीहरूलाई ‘हुन्छ’ कि ‘हुँदैन’ भनेर सोध्नुहोस् । 

चेतावनी जरुरी

बच्चाले तपाईंको कुरालाई बेवास्ता गरिरहेको छ भने उनलाई एक पटक चेतावनी पनि दिनुपर्छ । यस्तो गर्दा उनीहरुले आफ्नो गल्ती सुधार्ने मौका पाउनेछन् र दोहोराएर गर्ने छैनन् । 

सोच्ने मौका दिनुहोस्

बच्चाले तपाईंले भनेको कुरा बारम्बार मानिरहेको छैन भने उसलाई एक पटक सोच्ने मौका दिनुहोस् । उदाहरणका लागि यदि बच्चाले कपडा छरेर राख्छ भने तपाईंले उसलाई ‘तिमीले आफ्नो लुगा त एक ठाउँमा राख्न सक्दैनौ भने टिभी वा मोबाइल हेर्न कसरी दिऊँ ?’ भनेर सोच्न लगाउन सक्नुहुन्छ । 

जस्तालाई त्यस्तै

बच्चाले तपाईंको कुरा मानिरहेको छैन भने उसलाई ‘यसो गर्‍यौ भने म पनि तिम्रो कुरा मान्दिनँ ’ भन्नुहोस् । बच्चाको कुरा आमाबुवाले नमानेपछि उनीहरुले तपाईंले भनेको कुरा मान्न थाल्नेछन् ।

आरोप नलगाउनुहोस्

बच्चालाई आरोप लगाउनुको साटो उनीहरूलाई कुरा गर्नका लागि वा सकारात्मक चर्चाका लागि प्रोत्साहित गर्नुहोस् । राम्रो वातावरणमा उनीहरूलाई ‘तिमीलाई भनेको कुरा मान्न किन समस्या भइरहेको छ ?’ भनेर सोध्नुहोस् ।