के तपाईंलाई थाहा छ ? ‘कमिलाले पनि दुध दिन्छ’

मौसम तातो हुनासाथ खानाको खोजीमा कमिलहरू बाहिर निस्कन्छन्।

कमिला सानो प्राणी भएपनि यसले दुध दिन्छ भन्ने सुन्दा अचम्म लाग्न सक्छ तर यो कुरा बैज्ञानिकहरूले नै बताएका छन्।

वैज्ञानिकहरूले पत्ता लगाए अनुसार कमिलाहरू वयस्क हुनुअघि एक प्रकारको तरल पदार्थ स्राव गर्छन्। जुन एक प्रकारको दुध हो।

कसले पिउछ त कमिलाको दुध ?
वयस्क कमिला र लार्भा दुवैले प्यूपाबाट निस्कने यो दूध पिउने गर्छन्। लार्भा अण्डा वा खोलबाट निस्कने कीरा हो। जीवको विकासको प्रक्रियामा, अण्डाबाट लार्भा बनाइन्छ, त्यसपछि प्यूपा र त्यसपछि प्यूपा वयस्क हुन्छ। यो विकास प्रक्रियाको क्रम हो।

प्यूपाबाट निस्कने दुध कमिलाले आफू बाँच्नका लागि प्रयोग गर्छ। जसरी नवजात शिशुको लागि दुध आवश्यक हुन्छ, त्यसैगरी कमिलाको लार्भाका लागि पनि यो दुध आवश्यक हुन्छ।

यो दुधमा धेरै पोषकतत्व हुन्छ
कमिलाबाट निस्कने यो दुधमा एमिनो एसिड, चिनी र भिटामिन हुन्छ। यसमा धेरै हर्मोनमा साथ अन्य पदार्थ पनि पाइन्छ। सो तरल पदार्थमा मात्र उनीहरूको विकास निर्भर हुने विज्ञहरू बताउँछन्।

तर, कमिलाको दुध संकलन गर्न सकिँदैन किनभने यो धेरै कम मात्रामा हुन्छ। यो अध्ययन ‘नेचर’ जर्नलमा प्रकाशित भएको छ। त्यसमा पहिलो पटक यस्तो देखिएको बताइएको छ। जब प्युपा कमिलाबाट अलग हुन्छ, त्यसपछि प्युपाबाट तरल पदार्थ निस्कन्छ भन्ने थाहा भएको उल्लेख गरिएको छ।