दलाई लामा चीनसँग वार्ता गर्न तयार, भन्छन- 'तिब्बतकाे स्वतन्त्रता मागेका छैनाैं'

तिब्बती धर्मगुरु दलाई लामाले तिब्बतीहरुको समस्यामा चीनसँग वार्ता गर्न आफू तयार रहेको बताएका छन् ।

चिनियाँहरू पनि दलाइ लामालाई "आधिकारिक वा अनौपचारिक रूपमा" सम्पर्क गर्न चाहन्छन्।

'अहिले तिब्बती जनताको मनोबल निकै बलियो भएको महसुस चीनले पनि गरेको छ, त्यसैले तिब्बती समस्याहरू समाधान गर्न उनीहरू मसँग सम्पर्क गर्न चाहन्छन्, म पनि तयार छु ।' उनले भने । 

दिल्ली र लद्दाख जानुअघि हिमाचलको धर्मशालामा पत्रकारहरूसँग कुरा गर्दै दलाई लामाले यस्तो अभिव्यक्ति दिएका हुन् । पत्रकारहरूले सोधे कि के चीनसँग वार्ता पुनः सुरु गर्न चाहनुहुन्छ? यस प्रश्नको जवाफमा दलाई लामाले भने, ‘हामीले स्वतन्त्रता माग्‍दैनौँ, हामीले धेरै वर्षदेखि जनवादी गणतन्त्र चीनको हिस्सा रहने निर्णय गरेका थियौँ...अब चीन परिवर्तन हुँदैछ । चिनियाँहरू मलाई सम्पर्क गर्न चाहन्छन्- आधिकारिक वा अनौपचारिक रूपमा र म पनि तयारी अवस्थामा रहेकाे छु ।'

दलाई लामाले यसअघि भनेका थिए कि चीनका अधिकांश मानिसहरूले आफू चीन भित्र स्वतन्त्रता खोजिरहेका छैनन्, तर अर्थपूर्ण स्वायत्तता र तिब्बती बौद्ध संस्कृतिको संरक्षण खोजिरहेका छन् भन्ने कुरा बुझेका छन्।

गत वर्ष जम्मु–कश्मीर र लद्दाखको भ्रमणका क्रममा उनले जम्मुमा पत्रकारहरूसँग कुराकानी गर्दै भने, 'चिनियाँ जनताले होइन, केही चिनियाँ कट्टरपन्थीहरूले मलाई पृथकतावादी ठान्ने गरेका छन्।' 

दलाई लामाले स्वतन्त्रता नभई चीनभित्र स्वायत्तता र तिब्बती बौद्ध संस्कृतिको संरक्षण खोजिरहेका छन् भन्ने कुरा अहिले धेरै चिनियाँहरूले महसुस गरिरहेका छन्।