इरानबाट धमाधम स्वदेश फर्किन थाले अफगान शरणार्थीहरु

पछिल्लो २४ घण्टामा कम्तिमा ४ हजार अफगान शरणार्थी जाबोल नाका हुँदै अफगानिस्तान फर्किएका छन् । 

खामा प्रेसले सोमबार इरानी सीमा सुरक्षा अधिकारीहरूलाई उद्धृत गर्दै यो जानकारी दिएको हो। इरानी सीमा अधिकारी परभिज कासिमजादाले यी अफगान आप्रवासीहरूलाई अवैध प्रवेश गरेको भन्दै पक्राउ गरी अफगानिस्तान फर्काइएको बताए। केही अफगान आप्रवासीहरूलाई उनीहरूको राहदानीको म्याद सकिएको कारण पक्राउ गरिएको थियो।

पश्चिमी निमरोज प्रान्तको शरणार्थी र स्वदेश फिर्ता विभागका तालिवान प्रान्तीय अधिकारीहरूले खामा प्रेसका अनुसार गत महिना सिल्क रोड क्रसिङ पोइन्ट हुँदै इरानबाट ७४,००० भन्दा बढी अफगान आप्रवासीहरू आफ्नो देश फर्किएका छन्। जसमध्ये १ हजार १०६ परिवारका ६९ हजार २५९ व्यक्तिहरू गत केही हप्ताहरूमा इरानबाट स्वदेश फर्किएका छन्, खामा प्रेसले निमरोज प्रान्तका शरणार्थी र स्वदेश फिर्तासम्बन्धी प्रान्तीय प्रमुख, मौलावी अब्दुल्लाह रियाजलाई उद्धृत गर्दै भने।

इन्टरनेशनल अर्गनाइजेसन फर माइग्रेसनले आफ्नो पछिल्लो प्रतिवेदनमा पछिल्लो दुई वर्षमा ३६ लाख अफगानी छिमेकी मुलुकमा सरेको उल्लेख गरेको छ, जसमध्ये ७० प्रतिशत इरान, १८ प्रतिशत पाकिस्तान, ११ प्रतिशत टर्की र २ प्रतिशत अन्य देशमा गएका थिए ।