ब्राजिलका पूर्व राष्ट्रपतिलाई ८ बर्षसम्म चुनाव लड्न प्रतिबन्ध

ब्राजिलका पूर्व राष्ट्रपति जायर बोल्सोनारोलाई चुनाव लडन प्रतिबन्ध लगाईएको छ। ब्राजिलको सर्वोच्च निर्वाचन अदालतले पूर्व राष्ट्रपति बोल्सोनारोलाई आगामी आठ वर्षसम्म चुनाव लड्न प्रतिबन्ध लगाएको छ ।

यसलाई दक्षिणपन्थी नेताका लागि ठूलो धक्का मानिएको छ । बोल्सोनारो गत चुनावमा आफ्नो शक्ति र मिडियाको दुरुपयोग गरेको अभियोगमा दोषी ठहर भएका छन्।

बोल्सोनारोलाई सातमध्ये पाँच न्यायाधीशले दोषी ठहर गरेका थिए र उनको विरुद्धमा फैसला गरेका थिए। एकै समयमा, दुई न्यायाधीश बोल्सोनारोको समर्थनमा थिए। यो निर्णयसँगै जायर बोल्सोनारोको २०२६ को चुनावमा फर्कने आशा समाप्त भएको छ।

बोल्सोनारोलाई दोषी ठहर गर्ने न्यायाधीशहरूको प्यानलको अध्यक्षता न्यायाधीश अलेक्जान्डर डे मोरेसले गरेका थिए। आफ्नो निर्णयको घोषणा गर्दै, न्यायाधीशले भने कि ब्राजिलका अधिकारीहरूले आपराधिक कट्टरपन्थी र देशको शक्तिमा आक्रमणलाई सहने छैन भनेर देखाएको छ। साथै भ्रामक समाचार, गलत जानकारी सहने छैन।

तर, बोल्सोनारोले आफूमाथि लगाइएको आरोपलाई ठाडै अस्वीकार गरेका छन् । एक स्थानीय रेडियो स्टेशनसँग कुरा गर्दै बोल्सोनारोले निर्णयको विरुद्धमा अदालत जाने बताए।