बम पड्काउँदै फिरौती माग्ने गिरोहका तीनजना पक्राउ
बम पड्काउँदै फिरौती रकम माग गर्ने गिरोहका तीन जनालाई रुपन्देही प्रहरीले पक्राउ गरेको छ ।
रुपन्देहीको सियारी गाउँपालिका–४ का २७ वर्षीय अब्दुल हाकिम खान, कोहटीमाई– ३ पर्सियाका २२ वर्षका सुरज लोहार र कोहटीमाई– ४ का सुरज थारूलाई प्रहरीले मंगलबार पक्राउ गरि आज सार्वजनिक गरेको हो ।
उनीहरू तीनैजना रुपन्देहीका विभिन्न स्थानमा बम पड्काउने र फिरौती रकम माग गर्ने आपराधिक कार्यमा संलग्न भएको प्रहरीले जनाएको छ । गत मंगलबार पक्राउ परेका उनीहरूलाई अदालतबाट म्याद थप गरी अनुसन्धान गरिएको प्रहरीले जनाएको छ । घटनामा अन्य व्यक्तिहरू पनि संलग्न रहेको प्रहरीको आशंका छ ।
उनीहरूबाट दुई थान मोटरसाइकल र पाँच थान मोबाइल प्रहरीले बरामद गरेको जनाएको छ ।
_BJSTcwznbE_stfeqagabwg9tch7hhw5zpbemyutbqr7tni0kdur9hv0nrbwbgjf9ivc11gy_vjvpzKHdMO_bzwmx3xzha4bsnjxuejl1whdqaiq4tygvnoovo4cttcecobv8mizdjcciws0.jfif.370x245_q70_crop.jpg)
Comments