ललिता निवास प्रकरणमा पक्राउ परेकालाई सात दिन हिरासतमा राख्न अदालतको अनुमति
बालुवाटारस्थित सरकारी जग्गा विभिन्न व्यक्तिको नाममा दर्ता गरिएको प्रकरणमा नेपाल प्रहरीको केन्द्रीय अनुसन्धान ब्युरो (सीआईबी)ले पक्राउ गरेका चार जनालाई सात दिन हिरासतमा राखेर अनुसन्धान गर्न अदालतले अनुमति दिएको छ ।
काठमाडौं जिल्ला अदालतले निर्वाचन आयोगका पूर्वआयुक्त सुधीरकुमार शाह, भाटभटेनी सुपरमार्केटका सञ्चालक मीनबहादुर गुरुङ, तत्कालीन डिल्लीबजार मालपोत कार्यालयका कर्मचारी गोपाल कार्की र धर्मप्रसाद गौतमलाई हिरासतमा राखेर अनुसन्धान गर्न अनुमति दिएको हो ।
प्रहरीले मंगलबार सात जना पक्राउ गरे पनि ३ जनाले पहिले नै अदालतबाट पक्राउ पुर्जीविरूद्ध 'स्टे अर्डर' लिएका थिए । उनीहरूलाई मंगलबार साँझ नै छाडिएको थियो ।
_BJSTcwznbE_stfeqagabwg9tch7hhw5zpbemyutbqr7tni0kdur9hv0nrbwbgjf9ivc11gy_YBpT70QB34_f7kg0kil6ns92lyiozhxklc6ivpap16t9fxsgxmwfysxw2okziihwtdnm31l.jfif.370x245_q70_crop.jpg)
Comments