होन्डुरसमा हिंसा बढ्याे, एकै रातमा २० काे मृत्यु

मध्य अमेरिकाको होन्डुरसमा हिंसा बढ्दै गएको छ ।

छुट्टाछुट्टै आक्रमणमा एकै रातमा २० भन्दा बढी व्यक्तिको मृत्यु भएको छ। यसैलाई मध्यनजर गर्दै होन्डुरस सरकारले आइतबार देखि उत्तरी दुई सहरमा कर्फ्यू लगाउने निर्णय गरेको छ । 

उत्तरी सहर चोलोमाको छेउमा रहेको बिलियर्ड्स हलमा बन्दुकधारीले गोली चलाएका थिए । जहाँ १३ जनाको मृत्यु भएको थियो । सोही क्रममा अर्का एक जना गम्भीर घाइते भएका छन् । 

सान पेड्रो सुलाको औद्योगिक सहर सहित उत्तरी भ्याले डे सुला क्षेत्रमा शनिबार भएका छुट्टाछुट्टै घटनामा कम्तीमा ११ अन्य व्यक्तिको मृत्यु भएको उनले बताए।

राष्ट्रपति जिओमारा क्यास्ट्रोले सहरमा बढ्दो हिंसाको प्रतिक्रियामा तत्काल कर्फ्यू घोषणा गरेका छन् । चोलोमामा बेलुका ९ बजेदेखि बिहान ४ बजेसम्म १५ दिने कर्फ्यु घोषणा गरिएको छ । उही समयमा, सान पेड्रो सुलामा कर्फ्यू जुलाई ४ सम्म लागू हुनेछ।

गत साता मात्रै होन्डुरसको एक महिला कारागारमा भएको दंगामा कम्तिमा ४१ महिलाको मृत्यु भएको थियो। होन्डुरसको राष्ट्रिय प्रहरी अनुसन्धान एजेन्सीले तेगुसिगाल्पाबाट करिब ५० किलोमिटर उत्तरपश्चिममा रहेको तामारामा रहेको महिला कारागारमा दंगा र हिंसा भएको बताएको छ। अधिकांश महिलाको जलेर मृत्यु भएको थियो ।