बढ्दो समस्यामा पुटिन, रुसी सेना कमाण्डर बाग्नर समुहकाे नियन्त्रणमा

युक्रेनसँग चलिरहेको युद्धको बीचमा रूसी सेना र वाग्नर समूह बीच पटकपटक मतभेद भएको रिपोर्ट बाहिर आएको छ ।

रूसी सेना र वाग्नर समूह बीच पटकपटक मतभेद भए पछि अहिले स्थिति नियन्त्रण बाहिर गइरहेको छ । 

समाचार अनुसार वाग्नर समूहले रूसी सेनाको शीर्ष कमाण्डरलाई बन्धक बनाएका छन् । यति मात्र होइन कि वाग्नर समुहले रुसी सेनाका कमाण्डरको भिडियो बनाएर सामाजिक सञ्जालमा शेयर गरेको छ । यसले रूसी सेना र वाग्नर समूह बीचको विवाद प्रकट भएको हो ।

वाग्नर समूहका प्रमुख येभगेनी प्रिगोजिनको सामाजिक सञ्जाल खातामा एउटा भिडियो पोस्ट गरिएको छ, जुन भिडियोमा रुसी सेनाको ७२ औं ब्रिगेडका कमाण्डर लेफ्टिनेन्ट कर्नल रोमन भेनेभिटिनलाई वाग्नर समूहले बन्धक बनाएको देखिन्छ । भिडिओमा मदिरा सेवन गरेका भेनेभिटिनले आफ्ना सिपाहीहरूलाई वाग्नरको काफिलेमा गोली चलाउन आदेश दिएका बताएका छन्। 

रूसी सेना र येभगेनी प्रिगोजिनको नेतृत्वमा रहेको वाग्नर समूह बीचको विवाद केही समयदेखि बढेको छ। गत हप्ता मात्रै, प्रिगोजिनले केही भिडियोहरू जारी गरे र सेनामाथि गम्भीर आरोप लगाएका थिए । प्रिगोजिनले भने कि बाख्मुटमा उनका सेनाहरूले पर्याप्त हतियारको आपूर्ति पाएका छैनन्। 

अब रुसी सेनाका कमाण्डरलाई बन्धक बनाएपछि रुसमा प्रिगोजिनको प्रभाव निकै बढेको र उनले रुसी सेनालाई जसरी खुलेर चुनौती दिइरहेका छन्, त्यसले पुटिनको समस्या बढ्नु स्वाभाविक हो ।