१०६ पृष्ठको प्रतिवेदनले हल्लायो अडानीको साम्राज्य

Laltin.com

माघ १५, २०७९ आइतबार

१०६ पृष्ठको प्रतिवेदनले हल्लायो अडानीको साम्राज्य

जनवरी २०२३ को शुरुका दिनहरूमा सबै ठीक थियो, तर अचानक भूकम्प गयो जसले गौतम अडानीको साम्राज्यलाई हल्लायो । अमेरिकाको यो रिपोर्टका कारण गौतम अडानीको सम्पत्ति ध्वस्त भयो । उनको सम्पत्ति निरन्तर घटिरहेको छ ।

एक समय फोब्र्सको रियल टाइम अर्बपतिको सूचीमा एलोन मस्कलाई पछि पारेका गौतम अडानी आज आफैं पछि परिररहेका छन् । जनवरी २७ मा उनको सम्पत्ति २२.७ अर्ब डलरले घटेर ९६.५ अर्ब डलर पुगेको छ । उनको सम्पत्ति १९ प्रतिशतभन्दा बढीले घटेको छ ।

अमेरिकी अनुसन्धान कम्पनी फर्म हिन्डनबर्ग रिपोर्टले २४ जनवरीमा १०६ पृष्ठको रिपोर्ट जारी गर्यो। यो रिपोर्टले अडानी समूहको रातको निन्द्रा उडाइदियो । दुई दिनभित्र, अडानी समूहको मार्केट क्याप २.३७ लाख करोडले घट्यो । यति मात्र होइन, गौतम अडानीको सम्पत्ति १०० अर्ब डलरभन्दा तल झरेको छ । फोर्ब्सको रियल टाइम अर्बपति सूचकांकमा गौतम अडानी सातौं स्थानमा झरेका छन् ।