‘ब्रेन बुस्टर’ खाद्यपदार्थ जसले बनाउँछ मस्तिष्क तेज!

विश्वभर डिप्रेसन र डिमेन्सियाजस्ता मस्तिष्कसम्बन्धी रोगहरुमा वृद्धि भइरहेका छन्। यसका अलावा हार्मोनल परिवर्तनका कारण या खराब जीवनशैली र तनावका कारण स्मरणक्षमता कमजोर बनेको गुनासो मानिसहरुबाट आउने गरेका छन्। यस्तो स्थितिमा एक अध्ययनलाई हेर्ने हो भने केही खाद्यपदार्थको सेवनले मानिसलाई मानसिक रोगी हुनबाट बचाउनसक्ने देखिएको छ।

स्ट्रबेरी र ब्लुबेरीमा फ्लेवोनोइड्स नामक तत्व हुन्छ, जसले स्नायुसम्बन्धी समस्या विकास हुनबाट बचाउँछ। यसका अलावा फ्लेवोनोइड्स न्यूरोट्रान्समिटरलाई स्वस्थ राख्छ र अल्जाइमरजस्ता रोगबाट पनि बचाउ गर्छ। यस्तोमा बिहान यी चिज खाँदा ब्रेन बुस्टरको जस्तै काम गर्छ र दिमागालाई शक्ति दिनुका साथै दिनभर मूडलाई पनि राम्रो बनाउन सहयोग गर्छ।

१. फ्लेवोनोइडबाट भरपूर
स्ट्रबेरी र ब्लुबेरी फ्लेवोनोइड्सबाट भरपूर हुनछ र दिमागलाई राम्रोसँग काम गर्न सहयोग गर्छ। वास्तवमा बिहान योे खाँदा दिमागलाई शक्ति प्राप्त हुन्छ। यी चिज त्यत्तिकै खान सकिन्छ या जुसको रुपमा पिउन सकिन्छ।

२. एन्टिअक्सिडेन्टबाट भरपूर
स्ट्रबेरी र ब्लुबेरी एन्थोसायनिन नामक तत्वबाट भरपूर हुन्छ। यो पनि एक खालको एन्टिअक्सिडेन्ट हो। एन्थोसायनिनले मस्तिष्कमा तनाव कम गर्छ। यसको एन्टीइन्फ्लामेटेरी गुणले कोशिकाहरुलाई सुन्निनबाट बचाउँछ।

३. फाइबरयुक्त 
आन्द्रा र हाम्रो मस्तिष्कबीच गहिरो सम्बन्ध हुन्छ। फाइबरले आन्द्रालाई स्वस्थ राख्न मद्धत गर्छ। एन्टिअक्सिडेन्टजस्तै फाइबरले सुन्निन कम गर्छ र असल ब्याक्टेरियालाई बढावा दिन्छ। यिनमा पाइने फाइबरले माइक्रोबायोम स्वास्थ्यमा सुधार गर्छ र आन्द्रा र मस्तिष्कको सुजनलाई कम गर्न मद्धत गर्छ।

यसका अलावा स्ट्रबेरी र ब्लुबेरीमा फोलेट पनि हुन्छ, जो एक महत्वपूर्ण भिटामिन हुन्छ। यसले हाम्रो मस्तिष्कभित्र रासायनिक सन्देशवाहकको रुपमा रहेको न्यूरोट्रान्समिटरलाई ठीक गर्न अनुमति दिन्छ र मूड र अब्जर्भेसनलाई नियन्त्रित गर्छ।

यसैले मस्तिष्क स्वस्थ बनाउन स्ट्रबेरी र ब्लूबेरी सेवन गर्नुपर्छ।