बैंक अफ इङ्गल्याण्डले 'प्यानिक सेल' बाट बच्न बन्ड खरिद समयावधि लम्ब्याउने!

बैंक अफ इंग्ल्याण्डले पेन्सन कोषद्वारा जारी गरिएको सरकारी ऋणपत्रको 'प्यानिक सेल' रोक्न मंगलबार बजारमा अर्को आपतकालीन हस्तक्षेपको साथ कदम चालेको छ।

बैंकले आफ्नो ऋणपत्र खरिद योजनाको दोस्रो अपडेटमा भनेको छ कि यसले इन्डेक्स-लिंक्ड गिल्टहरू खरिद गर्न आफ्नो सञ्चालन विस्तार गर्नेछ । इन्डेक्स-लिंक्ड गिल्ट एक  प्रकारको सरकारी बन्ड हो, जसले मुद्रास्फीतिलाई ट्र्याक गर्दछ।

उक्त बैंकले यस हप्ता सरकारी ऋणको लागि 'महत्वपूर्ण पुनर्मूल्यांकन' पछि आफ्नो आपतकालीन कार्यक्रमलाई थप बढाउन कदम चालेको बताएको छ, जुन शुक्रबार समाप्त हुन गइरहेको छ।

गत सेप्टेम्बरमा क्वासी क्वार्टेङको मिनी बजेटका कारण उत्पन्न वित्तीय बजार अस्तव्यस्ततापछि बेलायती सरकारको ऋण लागत सोमबार उच्च स्तरमा पुगेको थियो ।

लामो समयदेखिको सरकारी ऋणको नाटकीय बिक्रीका बीच केन्द्रीय बैंकले गत महिनाको अन्त्यमा कदम चाल्न बाध्य भएको थियो, जसमा १४ अक्टोबरसम्म चल्ने योजनामा बेलायती ऋणपत्रमा ६५ अर्ब पाउन्डसम्म खरिद गर्ने वाचा गरिएको थियो।

वित्तीय स्थायित्वका लागि बैंकका पूर्व डेपुटी गभर्नर सर जोन गिभले केन्द्रीय बैंकले आफ्नो ऋणपत्र खरिद कार्यक्रमलाई यस शुक्रबारपछि अझै केही हप्ता लम्ब्याउन बाध्य हुन सक्ने बताएका छन् ।